Այսօր՝ նոյեմբերի 9-ին, Շուշիի տեխնոլոգիական համալսարանի միջին մասնագիտական կրթական ծրագրերի դասախոսների և կուրսղեկների հետ առցանց հանդիպում է ունեցել հոգեբան Մարիամ Մելքումյանը: Բանախոսը դասախոսություն է կարդացել «Դեռահասների հետ արդյունավետ հաղորդակցման հմտություններ» թեմայով, մասնագիտական խորհուրդներ տվել ունկնդիրներին:
Հոգեբանն անդրադարձել է դեռահասի հոգեբանությանը, առանձնացնելով դա որպես տարիքային փուլերից ամենաճգնաժամային՝ առանձնացնելով գլխավոր առանձնահատկությունները, հոգեբանական խնդիրները և դրանք լուծելու մեթոդները:
Հիմք ընդունելով դեռահասության տարիքում սեռական հասունության պայմաններում անձի ֆիզիկական, կենսաբանական ինտենսիվ փոփոխությունները՝ Մարիամ Մելքումյանն ասել է․ «Առկա ֆիզիոլոգիական և հորմոնալ փոփոխությունները, ինչպես նաև տարածաշրջանում տիրող իրավիճակը նպաստում են դեռահասի աշխարհընկալման, աշխարհայացքի և, առհասարակ, առաջնային արժեքների ձևավորմանը»։
ՇՏՀ ռեկտորի՝ ուսանողների հետ տարվող աշխատանքների գծով տեղակալ Արևիկ Հարությունյանը, ողջունելով բանախոսին և մասնակիցներին, նշել է, որ Մելքումյանը պատրաստակամությամբ է ընդունել հերթական հանդիպման հրավերը:
ՇՏՀ լրատվական բաժին