Արմանուշ Ալեքսանդրի Առաքելյան
Դեկան
Գյուղատնտեսական ֆակուլտետը Շուշիի տեխնոլոգիական համալսարանի ստեղծման (2016թ․) առաջին օրերից է ձևավորվել, որի առաջին դեկանը եղել է գ․գ․թ․, դոցենտ Սարիբեկ Բարդուղի Գալստյանը։
2018թ․-ից ֆակուլտետի դեկանն է գյուղատնտեսական գիտությունների թեկնածու, դոցենտ Արմանուշ Ալեքսանդրի Առաքելյանը։
Ֆակուլտետի առաքելությունն է՝ պատրաստել աշխատաշուկայի մարտահրավերներին և միջազգային չափանիշներին համապատասխան երկաստիճան կրթական համակարգով որակյալ մրցունակ և գործնական կարողություններով մասնագետներ գյուղատնտեսության ոլորտում, ինչպես նաև այդ ոլորտներում հանրությանը մասնագիտական խորհրդատվություն է տրամադրում և իրականացնում վերապատրաստումներ:
Ֆակուլտետը ներկայացնում է հետևյալ կրթական ծրգրերը:
-
Գյուղատնտեսագիտություն
-
Անասնաբուժություն
-
Էկոնոմիկա
-
Հաշվապահական հաշվառում և աուդիտ
-
Պարենամթերքի տեխնոլոգիա
-
Ագրոբիզնես
-
Ագրոնոմիա, սելեկցիա և գենետիկա
-
Ագրոնոմիա
Ուսուցման տարիներին ապագա մասնագետները կուսումնասիրեն ժամանակակից առարկաներ, կներգրավվեն ուսանողական գիտական ընկերության կազմում, կմասնակցեն համալսարանական և միջազգային ուսանողական գիտաժողովներին, իսկ բակալավրիատն ավարտելու պահին լիովին կլինեն մրցունակ աշխատաշուկայում՝ զբաղեցնելով պատասխանատու պաշտոններ հանրապետության ագրոպարենային համակարգի տնտեսվարող սուբյեկտներում, ազգային տնտեսության տարբեր կազմակերպություններում, բանկային և հարկային համակարգերում: Իսկ մագիստրատուրայում կշարունակվի տեսական ու գործնական գիտելիքների յուրացումը և մագիստրանտների ներգրավվածությունը գիտական և գիտահետազոտական աշխատանքներում: Մագիստրատուրան ավարտողներից շատերն անցնում են գիտամանկավարժական արդյունավետ գործունեության, նրանց մեծ մասն աշխատում և դասավանդում է բուհում:
Ֆակուլտետի տեսլականն է՝ ֆակուլտետը դարձնել իր առաքելության ոլորտներում առաջադեմ գիտելիքներ տրամադրող և հետազոտություններ իրականացնող բարձրագույն կրթական ստորաբաժանում, ապահովելով ժամանակակից տեղեկատվական տեխնոլոգիաների կիրառումը կրթական և հետազոտական գործընթացներում։
Աշխատակիցներ