1988թ. ավարտել է Ստեփանակերտ քաղաքի թիվ 2 միջնակարգ դպրոցը և նույն տարում ընդունվել Երևանի ճարտարապետաշինարարական ինստիտուտի ճարտարապետություն բաժինը:

1992-1997թթ. ծառայել է ԼՂՀ ՊԲ հրետանային բրիգադայում և զորացրվել որպես սպա:

1997-1998թթ. աշխատել է Ստեփանակերտի քաղգործկոմի Ճարտարապետության և քաղաքաշինության բաժնում՝ որպես նկարիչ:

1998-2002թթ. աշխատել է «Արցախնախագիծ» դուստր ձեռնարկությունում՝ որպես ճարտարապետ:

2002-2003թթ. աշխատել է «Հայ ժամացույց և ոսկերչություն» ՍՊԸ-ում՝ որպես ճարտարապետ-շինարար:

2003-2006թթ. աշխատել է Ստեփանակերտի քաղաքապետարանում՝ որպես Ճարտարապետության և քաղաքաշինության բաժնի պետ` Ստեփանակերտի գլխավոր ճարտարապետ:

2004-2006թթ. համատեղությամբ դասախոսել է ԱրՊՀ-ում:

2006-2016թթ. աշխատել է «Ֆոր Դիրեկշնս» ՍՊԸ-ում՝ որպես գործադիր տնօրեն:

2016-2021թթ․ աշխատել է Շուշիի տեխնոլոգիական համալսարանում՝ որպես Քաղաքաշինության, ճարտարապետության և ջրային համակարգերի ամբիոնի վարիչ։

Հեղինակ է 7 գիտական աշխատանքի և 1 կոլեկտիվ մենագրության:

2012թ. Երևանի ճարտարապետության և շինարարության պետական համալսարանում պաշտպանել է թեկնածուական ատենախոսություն՝ ստանալով ճարտարապետության թեկնածուի գիտական աստիճան:

2020թ․ շնորհվել է դոցենտի գիտական կոչում։

2021թ․ օգոստոսի 24-ին՝ Շուշիի տեխնոլոգիական համալսարանի հոգաբարձուների խորհուրդի կողմից նշանակվել է նշյալ բուհի ռեկտորի ժամանակավոր պաշտոնակատար:

2022թ. հունվարի 25-ին՝ Շուշիի տեխնոլոգիական համալսարանի հոգաբարձուների խորհրդի որոշմամբ նշանակվել է բուհի ռեկտոր: