[:hy]ԲԻՈՄԵՏՐԻԿ ՆՈՐ ՉԱՓՈւՄՆԵՐ ՓՈՐՁԱՄԱՐԳՈւՄ` 09 հունիսի 2020թ.[:]

[:hy]

Ինչպես արդեն հաղորդել ենք, Շուշիի տեխնոլոգիական համալսարանում փորձարկվում է ԽՍՀՄ ԳԱ թղթակից անդամ, պրոֆեսոր Սամվել Սամվելի Գրիգորյանի գիտական դպրոցի կողմից ստեղծված պոլիմերահանքային նյութի օգտագործման ազդեցությունն, աշնանացան ցորենի աճի զարգացման և բերքատվության վրա։

Հետազոտությունն իրականացվում է Մոսկվայի Վ․ Լոմոնոսովի անվան պետական համալսարանի մասնագետների հետ համատեղ:

Փորձերը դրվել են աշնանացան ցորենի “Կրասնադարսկայա 99” սորտի վրա: Ուսումնասիրվել են հետևյալ տարբերակները՝

1. Առանց պոլիմերահանքային նյութի և պարարտացման (ստուգիչ),
2. առանց պոլիմերահանքային նյութի, պարարտացված (P₆₀N₉₀),
3. պարարտացված (P₆₀N₉₀), 10 սմ խորությամբ, տեղադրվել է 0,5սմ հաստությամբ պոլիմերահանքային նյութի շերտ,
4. 10սմ խորությամբ, տեղադրվել է 0,5սմ հաստությամբ պոլիմերահանքային նյութի շերտ առանց պարարտացման:

Փորձերի ընթացքում կատարվել են ֆենոլոգիական դիտումներ և կենսամետրիկ չափումներ:

Ցանքը կատարվել է 2019թ. հոկտեմբերի 5-ին, 5 մլն. ծլունակ հատիկի հաշվով: Լրիվ ծլման փուլում հաշվարկվել է ծլման բույսի քանակը՝ դաշտային ծլունակութունը որոշելու համար: Բույսերի քանակը հաշվարկվել է նաև ձմեռնամուտին և գարնանը բույսերի ձմեռնադիմացկունությունը որոշելու համար:

2020թ. մայիսի 15-ին կատարված չափումները (ըստ՝ բարձրության, սմ) բերված է նկ. 1-ում: Մայիսի 15-ին՝ պոլիմերահանքային նյութի կիրառման դեպքում, պարարտանյութի օգտագործման պայմաններում, կանաչ զանգվածի աճը ավելի է 10,4% -ով, իսկ առանց պարարտանյութի՝ 31,4%-ով: Պարարտացված և պոլիմերահանքային նյութի կիրառման պայմաններում, կանաչ զանգվածի աճը՝ առանց պոլիմերահանքային նյութի և առանց պարարտացման դեպքի համեման ավելի է 2,4 անգամ կամ 143%-ով: Հետազոտությունները շարունակվում են:

2020թ. հունիսի 9-ին կատարվել են կրկնակի չափումներ, որի արդյունքները բերված է նկ. 2-ում:

Հունիսի 9-ին՝  պոլիմերահանքային նյութի կիրառման դեպքում, պարարտանյութի օգտագործման պայմաններում, կանաչ զանգվածի աճը ավելի է 8,4% -ով, իսկ առանց պարարտանյութի՝ 13,3%-ով: Պարարտացված և պոլիմերահանքային նյութի կիրառման պայմաններում, կանաչ զանգվածի աճը՝ առանց պոլիմերահանքային նյութի և առանց պարարտացման դեպքի համեման ավելի է 50%-ով:

 

Հետազոտությունները շարունակվում են:

 

[:]