Շուշիի տեխնոլոգիական համալսարանի ռեկտոր Նվեր Միքայելյանն ու Հայաստանի գեղարվեստի պետական ակադեմիայի ռեկտոր Արամ Իսաբեկյանը Երևանում ստորագրել են երկու բուհերի միջև համագործակցության համաձայնագիր: Այն նախատեսում է կիրառական արվեստի (դիզայնի և հագուստի մոդելավորման) կրթադաստիարակչական, գիտահետազոտական և ուսումնամեթոդական գործունեության ոլորտներում համատեղ, փոխշահավետ ծրագրերի մշակում և իրականացում, դասախոսների և ուսանողների ակադեմիական փոխանակում, ինչպես նաև համատեղ հայտարարությունների և փաստաթղթերի ստորագրում:
Ըստ համաձայնագրի՝ կողմերը պարտավորված են համատեղ կազմակերպել ամենամյա «Հանրապետական միջբուհական աշխատանքի տոնավաճառ», պարբերաբար կազմակերպել կոնֆերանսներ, սեմինարներ, խորհրդակցություններ, ցուցահանդեսներ և այլ միջոցառումներ:
Համաձայնագիրն ուժի մեջ է ստորագրման պահից և կգործի անժամկետ:
ՇՏՀ լրատվական բաժին
