Շուշիի տեխնոլոգիական համալսարանի գիտական գրադարանի աշխատակիցներ Իրինա Առաքելյանը և Նոննա Առաքելյանը` գրադարանի վարիչ Ռազմելա Սայիյանի գլխավորությամբ, օգոստոսի 8-ից 12-ը Հայաստանի ամերիկյան համալսարանում մասնակցել են վերապատրաստման դասընթացների։
Ծրագրի նպատակը մասնագիտական նոր հմտությունների և գիտելիքների փոխանցումն ու յուրացումն էր։ Մասնագետները դասընթացի շրջնակում ծանոթացել են «Koha» գրադարանային համակարգով սպասարկումը կազմակերպելու նրբություններին, գրացուցակագրմանը և այլն. «Դասընթացն իսկապես շատ ուսանելի էր, բավականին պահանջված և արժեքավոր գիտելիքների մեծ պաշար ձեռք բերեցինք, որը կօգտագործենք մեր ամենօրյա աշխատանքում»,- նշել է Ի․ Առաքելյանը։
Վերապատրաստման շրջանակում համալսարանականները եղել են Ավ․ Իսահակյանի անվան կենտրոնական գրադարանում, Հայաստանի ազգային գրադարանում և ՀՀ ԳԱԱ գիտական գրադարանում։
Դասընթացնեի ավարտին մասնակիցները ստացան վկայագրեր։
ՇՏՀ լրատվական բաժին
