Արցախի Հանրապետության նախագահի աշխատակազմի ռուսաց լեզվի հարցերի բաժնի նախաձեռնությամբ Երևանում կազմակերպված վերապատրաստման դասընթացին Շուշիի տեխնոլոգիական համալսարանից մասնակցել է լեզուների ամբիոնի ավագ դասախոս Զոյա Օսիպովան։ Դասընթացը տեղի է ունեցել Խ․ Աբովյանի անվան հայկական պետական մանկավարժական համալսարանում` ռուսաց լեզվի և գրականության ուսուցիչների հայկական ասոցիացիայի նախագահ Լիլիա Բալասանյանի ղեկավարությամբ։
«Նման նախաձեռնությունները նպաստում են օտար լեզու դասավանդող դասախոսների, ուսուցիչների մասնագիտական որակի և կատարելագործման բարձրացմանը»,-մեզ հետ զրույցում նշել է Զ․ Օսիպովան։
Վերապատրաստված մասնագետներին օրերս վկայագրեր է հանձնել ԱՀ կրթության, գիտության, մշակույթի և սպորտի նախարար Անահիտ Հակոբյանը։
Տեղեկացնենք, որ Զ․ Օսիպովան վերապատրաստվել է նաև վերջերս Գորիսում կայացած «Ռուսաց լեզվի դասավանդման նոր մեթոդներ» խորագրով դասընթացի շրջանակում։
ՇՏՀ լրատվական բաժին
