Շուշիի տեխնոլոգիական համալսարանի հոգաբարձուների խորհրդի նախագահ, տեխնիկական գիտությունների դոկտոր, պրոֆեսոր Հովհաննես Թոքմաջյանը և ռեկտոր, ճարտարապետության թեկնածու, դոցենտ Նվեր Միքայելյանը հոկտեմբերի 4-6-ը Թբիլիսիում մասնակցել են Վրաստանի տեխնիկական համալսարանի 100-ամյակին նվիրված գիտաժողովին։
Հոբելյանական միջոցառման ժամանակ Վրաստանի տեխնիկական համալսարանի ռեկտոր Դավիթ Գուրգենիձեն մատուցած հատուկ ծառայությունների և զգալի ավանդի համար բուհի «Ոսկե մեդալով» է պարգևատրել Հովհաննես Թոքմաջյանին։
Միջոցառման ավարտին Դ․ Գուրգենիձեն Շուշիի տեխնոլոգիական համալսարանի գիտական գրադարանին է նվիրել գրքեր և գիտական աշխատանքների ժողովածու: Վերջինս ընդգրկում է նաև Շուշիի տեխնոլոգիական համալսարանի դասախոսների գիտական հոդվածները։
ՇՏՀ լրատվական բաժին
