Լեհաստանի Չեստոխովա քաղաքում նոյեմբերի 10-15-ը կայացել է “Materials and Energy saving technologies.Construction of optimized energy potential” խորագրով 19-րդ միջազգային գիտատեխնիկական կոնֆերանսը, որին մասնակցել է նաև Շուշիի տեխնոլոգիական համալսարանի պատվիրակությունը՝ ներկայացնելով երկու զեկույց։
Գիտաժողովում ներկայացվել են Սամվել Մկրտչյանի, Հովհաննես Թոքմաջյանի, Ալբերտ Մարգարյանի և Արամ Միքայելյանի ձկնային տնտեսություններում ջրի բազմակի և նպատակային օգտագործման խնդիրները, ինչպես նաև Նվեր Միքայելյանի, Վաչե Թոքմաջյանի, Արմավիր Գալաստյանի և Արևշադ Վարտանյանի «PMM» պոլիմերահանքային նյութի օգտագործմամբ չտոփանված գրունտների հակաֆիլտրացիոն հատկանիշների փորձարարական հետազոտությունների արդյունքները։
«Մեծ հետաքրքրություն է առաջացրել հատկապես երկրորդ հոդվածը, որը կապված է հակաֆիլտրացիոն նյութի հետ։ Չեստոխովայի տեխնոլոգիական համալսարանի դոցենտ, Մարգոժետա Ուլևիչի կողմից արդեն իսկ կազմակերպվել են փորձարկված նյութի հետազոտությունները Լեհաստանում, և մոտ օրերս սպասում ենք նրանց գնհատականին։ Նմանատիպ աշխատանքները դրական ազդակ կարող են հանդիսանալ նաև երկու համալսարանների միջև համագործակցության խորացմանը»,-մեզ հետ զրույցում նշել է ՇՏՀ հոգաբարձուների խորհրդի նախագահ, տեխնիկական գիտությունների դոկտոր, պրոֆեսոր Հովհաննես Թոքմաջյանը։
ՇՏՀ լրատվական բաժին
