Ձեր աջակցությունը մեր ջանքերի շարժիչ ուժն է
Աջակցության հարթակի գործարկում
«Շուշիի տեխնոլոգիական համալսարան» հիմնադրամը հիմնադրվել է 2016․01․26 թ։ Իր գործունեության յոթ տարիների ընթացքում նա զգալի հաջողություններ է արձանագրել գյուղատնտեսության, բնական տեխնոլոգիաների և շինարարության բնագավառներում ուսումնառության երեք մակարդակներում կադրերի պատրաստման և նոր տեխնոլոգիաների մշակման ուղղությամբ հետազոտական գործունեության գործընթացներում։
Թեև 44-օրյա պատերազմի արդյունքում, 2020թ․-ին, Համալսարանի 5 մասնաշենքերը, մնացին Շուշիում, սակայն մեկ տարվա ընթացքում մեզ հաջողվեց Ստեփանակերտում վերականգնել Համալսարանի գործունեությունը, այդ թվում՝ հետազոտական լաբորատորիաները և շարունակել արգասաբեր աշխատել։ Համալսարանի կողմից յոթ տարիների ընթացքում, գրանցվել է շուրջ 70 գյուտ, որը բավականին արդյունավետ ցուցանիշ է, տպագրվել է 100-ից ավելի գիտական հոդվածներ, այդ թվում միջազգային հանրաճանաչ հանդեսներում։ Համալսարանը հանդիսանում է ՀՀ ԲՈԿ-ի կողմից ընդունված և РИНЦ հղումների համակարգում գրանցված «Բարձր տեխնոլոգիաների տեղեկագիր» պարբերականի չորս հիմնադիրներից մեկը: Համալսարանը սերտորեն համագործակցում է ՀՀ-ի և միջազգային մի շարք ճանաչված առաջատար համալսարանների և հետազոտական կենտրոնների հետ։
Համալսարանը ՀՀ «Մասնագիտական կրթության որակի ապահովման կենտրոն» հիմնադրամի կողմից երկու անգամ բարեհաջող անցել է ինստիտուցիոնալ հավատարմագրում։ 2023թ. հավատարմագրման արդյունքներով Համալսարանը ՈԱԱԿ-ի փորձագետների կողմից 10 չափանիշներից 10-ը գնահատվել է դրական։
Սեպտեմբերյան հայտնի դեպքերից հետո, համալսարանը կրկին կանգնել է կազմալուծման կամ վերականգնման բարդ երկընտրանքի առջև, բայց անկախ բոլոր բարդություններից կրկին վերակազմավորվել է՝ /ՀՕ -169 օրենքի համաձայն 16․01․2024 թ․ դիմել է ՀՀ արդարադատության նախարարության իրավաբանական անձանց պետական ռեգիստրի գործակալություն/։ Սույն թվականի հունվարի 30-ի դրությամբ համալսարանը ձեռք է բերել Հարկ վճարողի հաշվառման համար /00524644/, գործունեության հասցեն՝ Արմենակ Արմենակյան /125 Նորք –Մարաշ 0011 Երևան Հայաստան և փորձում է գործունեություն ծավալել ՀՀ-ում։
Սիրելի ՛ համալսարանականներ, շրջանավարտներ, սփյուռքի բարեկամներ, անհատ ձեռներեցներ, բարեգործական կազմակերպություններ, անհատներ
Այս հարթակը նախատեսված է լուծելու կարիքների լայն շրջանակ՝ ուսանողների ակադեմիական աջակցությունից մինչև վարչական աջակցություն՝ ուսումնական մասնաշենքի ձեռքբերում կամ վարձակալություն, լսարանների կահավորում, լաբորատորիաների համակարգչային լսարանների ստեղծում, մարզադահլիճի կահավորում, գրադարանի ստեղծում՝ մասնագիտական գրականության ձեռք բերում և այլն։
Շնորհակալություն ձեր շարունակական նվիրվածության համար: Միասին մենք կարող ենք հաղթահարել ցանկացած խոչընդոտ և դառնալ ավելի ամուր՝ որպես միասնական և աջակցող ընտանիք:
Հարգանքներով,
Նվեր Միքայելյան
Ռեկտոր:
Շուշիի տեխնոլոգիական համալսարան
Հաշվեհամար`
AMD 22317011165000
RUB 22317011165001
USD 22317011165002
