Օրերս Երևանի «Ռաֆայել Վահանյանի շախմատի մանկապատանեկան մարզադպրոց» ՀՈԱԿ-ում կայացել է կայծակնային մրցաշար` նվիրված 2020թ․ 44-օրյա պատերազմի հերոս Գևորգ Արշակյանի և բոլոր նահատակների հիշատակին։
Շախմատի մրցաշարին մասնակցել է նաև Շուշիի տեխնոլոգիական համալսարանի ուսանողների թիմը՝ հումանիտար առարկաների ամբիոնի ասիստենտ Գագիկ Օսիպյանի գլխավորությամբ․ «Մրցաշարի ընթացքում ուսանողները մտերմացել են, բարձրացրել կարողություններն այս մարզաձևից»,- նշել է նա։
Մրցաշարը անց է կացվել շվեյցարական մրցակարգով, ութ խաղափուլով՝ համաձայն շախմատի միջազգային ֆեդերացիայի կանոնների։
Հայասատանի Հանրապետության շախմատի դպրոցի 12 շախմատիստների հետ լարված պայքարում «Լավագույն թիմ» անվանակարգում հաղթող է ճանաչվել ՇՏՀ թիմը և արժանացել պատվոգրի ու մեդալի։ Իսկ անհատական մրցաշարում ՇՏՀ ուսանող Սերգեյ Խաչատրյանը մտել է լավագույն տասնյակ և պարգևատրվել մեդալով ու պատվոգրով։
ՇՏՀ լրատվական բաժին
