Շուշիի տեխնոլոգիական համալսարանի միջին մասնագիտական կրթության տեխնոլոգիական ֆակուլտետի «Փոխադրումների կազմակերպում և կառավարում տրանսպորտում» մասնագիտության 3-րդ կուրսի ուսանողները մեկշաբաթյա արտադրական փորձուսուցում են անցել «Կապավոր» ՍՊԸ-ում՝ ագրոնոմիայի, անասնաբուժության և գյուղատնտեսության մեքենայացման դեպարտամենտի դասախոս Անդրանիկ Հակոբյանի ղեկավարությամբ:
Համալսարանականները ծանոթացել են ճանապարհաշինական կազմակերպության արտադրական գործընթացին, ասֆալտապատման աշխատանքների համար կազմակերպվող փոխադրումներին, բեռնող-բեռնաթափող հարմարանքների կառավարման համակարգին:
Արտադրական փորձուսուցումը կազմակերպվել և իրականացվել է տեսական գիտելիքների հիման վրա՝ նպաստելով մասնագիտական արդյունավետ գործունեությանը:
ՇՏՀ լրատվական բաժին
