Այսօր՝ սեպտեմբերի 12-ին, Շուշիի տեխնոլոգիական համալսարանն Արցախի Հանրապետության գյուղատնտեսության նախարարության «Հանրապետական անասնաբուժական և սննդամթերքի փորձաքննությունների լաբորատորիա» (ՀԱՍՓԼ) ՊՈԱԿ-ի կողմից ստացել է նվիրատվություն՝ անասնաբուժական լաբորատոր գործիքների տեսքով:
«Գործիքների առկայությունը կնպաստի ՇՏՀ-ի անասնաբուժական լաբորատորիայի գործարկմանը: Անասնաբուժական լաբորատորիան կծառայի «Անասնաբուժություն» մասնագիտության ուսանողների լաբորատոր գործնական պարապմունքների մեկնարկին: Շնորհակալ ենք այդ նվիրատվության համար»,-ասել է ՇՏՀ-ի արտաքին կապերի բաժնի պետ Լուսինե Այդինյանը:
Նա նաև տեղեկացրել է, որ բուհը՝ որպես անձնական նվիրատվություն, մանրադիտակ է ստացել շրջանավարտ Սուսաննա Բոյաջյանից:
ՇՏՀ-ի լրատվության և հասարակայնության հետ կապերի բաժին