Շուշիի Տեխնոլոգիական Համալսարանի ռեկտոր՝ Նվեր Միքայելյանը ջերմորեն շնորհավորում է քոլեջի դասախոսական և ուսուցչական կազմին` Ուսուցչի միջազգային օրվա կապակցությամբ:
Սիրելի՛ ուսուցիչներ և դասախոսներ, ձեր աշխատանքն ունի անգնահատելի արժեք և անմահ ազդեցություն ապագա սերունդների կերտման գործում: Դուք ոչ միայն գիտելիք եք փոխանցում, այլև ձևավորում եք սովորողների մտածելակերպը, խրախուսում եք ստեղծագործ մտածողությունը և մարդասիրական արժեքների զարգացումը: Ձեր անմնացորդ նվիրումը կրթական գործընթացին կարևոր դեր է խաղում ոչ միայն համալսարանի, այլև մեր ողջ հասարակության առաջընթացում: Ուսուցչի կոչումը, որը դուք պատվով եք կրում, պահանջում է նվիրվածություն, համբերություն և շարունակական զարգացում: Դուք մշտապես հանդես եք գալիս նորարարական մոտեցումներով, պատրաստ եք հաղթահարել ամենաբարդ մարտահրավերները և ձեր ուսերին եք վերցնում սերունդների կրթության դժվարին, բայց պատվավոր առաքելությունը: Այսօր, մենք շնորհակալ ենք ձեզ՝ ձեր օրնիբուն աշխատանքի, ուսանողների հանդեպ ցուցաբերած սիրո և մասնագիտական վարպետության համար: Ձեր դասերը կշարունակեն ապրեցնել սերունդներ՝ նպաստելով գիտելիքների, հմտությունների և արժեքների փոխանցմանը: Շնորհակալություն ձեզ անմնացորդ նվիրվածության համար, և թող այս օրը լինի ևս մեկ առիթ՝ արժևորելու ձեր աշխատանքի կարևորությունը և նշանակությունը։ Մաղթում ենք ձեզ անսահման հաջողություններ, եռանդ և ստեղծագործական նոր նվաճումներ ձեր կարևոր գործում։
Շնորհավոր Ուսուցչի միջազգային տոն
ՇՏՀ լրատվական բաժին
