ՇՏՀ ուսանողները այսօր հնարավորություն ունեն կրթություն ստանալու վերանորոգված և բարեկարգ լսարաններում՝ շնորհիվ Թուֆենկյան հիմնադրամի ներդրումների։
Հիմնադրամի աջակցությունն ու հավատը կրթական ծրագրերին մեծապես նպաստել են ուսումնական գործընթացի որակի բարձրացմանը։ Վերանորոգված լսարանները ոչ միայն նպաստում են ուսանողների արդյունավետ ուսումնառությանը, այլև ստեղծում են հարմարավետ և ոգեշնչող միջավայր։
ՇՏՀ անձնակազմը ու ուսանողները խորապես շնորհակալ են Թուֆենկյան հիմնադրամի ղեկավարությանը՝ ցուցաբերած աջակցության, համագործակցության համար։
Այս համագործակցությունը կարևոր հիմնաքար է կրթական զարգացման ուղղությամբ, և մենք բարձր ենք գնահատում այն երկարաժամկետ ու շարունակական հիմունքներով պահպանելու հնարավորությունը։
Թուֆենկյան հիմնադրամի հետ գործընկերությունն ապացուցում է, որ միասին կարող ենք ստեղծել ավելի բարենպաստ և առաջադեմ կրթական միջավայր՝ մեր ուսանողների պայծառ ապագան կառուցելու համար։
ՇՏՀ լրատվական բաժին
