Այսօր՝ ապրիլի 26-ին, Շուշիի տեխնոլոգիական համալսարանի գյուղատնտեսական ֆակուլտետի «Գյուղատնտեսագիտություն», «Ագրոնոմիա» և «Ագրոբիզնես» մասնագիտության մի խումբ ուսանողներ այցելել են Ասկերանի շրջանում գործող բանջարաբուծական և ծաղկաբուծական ջերմոցային տնտեսություններ:
Այցելությունը կայացել է ԱՀ գյուղատնտեսության նախարարության աշխատակազմի բուսաբուծության և բույսերի պաշտպանության վարչության պետ Արամ Բադալյանի ուղեկցությամբ՝ ՇՏՀ և նախարարության համագործակցության շրջանակում:
Բանջարեղենի մշակությամբ զբաղվող ջերմոցային տնտեսության հիմնադիր Նվեր Գաբրիելյանը համալսարանականներին ծանոթացրել է մշակության ձևերին ու արդյունքներին, իսկ Սամվել Մայիլյանին պատկանող ծաղկաբուծական սմարթ ջերմատանը ուսանողները ծանոթացել են ծաղկի մշակության առանձնահատկություններին, արտադրվող ծաղիկների տեսականուն և վարդերի աճեցման հատուկ տեխնոլոգիական շղթային։
ՇՏՀ լրատվության բաժին